يعني إيه ضابط شرطة يلفق تهمة لبرئ!
كلمة حق لازم تتقال، وزارة الداخلية أثبتت استجابتها لشكاوى واستغاثات المواطنين بأقصى سرعة، ومجرد ما يكون فيه بوست أو فيديو أو صور فيها استغاثة أو شكوى لوزارة الداخلية، خلال ساعات بنلاقي الداخلية اتحركت، والجناة في قبضة الأمن، وصورهم منوّرة
على الصفحة الرسمية لوزارة الداخلية وده مجهود كبير وتفاعل يستحق الإشادة والشكر والتقدير، عشان يستمروا بنفس الحماس، ويحسوا إن مجهودهم مقدَّر ومتشاف، فمن لا يشكر الناس لا يشكر الله.
وبالنسبة للي حصل مع المدعو يوسف السوري، زوج دينا، واللي موضوعه منتشر، وحملات التشكيك اللي شغالة حول هذا الموضوع،
ده يؤكد إن الداخلية المصرية قوية في كل قطاعاتها، وإن فيه ناس بتستغل أي واقعة عشان تهاجم مؤسسات الدولة وتشكك في كل شيء.
بالعقل كده.. مين يوسف السوري ومين دينا، علشان ضابط يلفق له قضية أو يتهمه ظلم؟ وهيستفيد إيه الضابط أصلًا من ده؟ وبعدين، فيه جهات تحقيق هي المسؤولة عن الموضوع، وهي اللي من حقها تفحص الأدلة، مش السوشيال ميديا، ولا الصفحات اللي بتشتغل على الإثارة والتشكيك،وده حصل بالفعل، وثبت إدانته لأن الموضوع داخل على شهرين تقريبًا.
حابب أضيف نقطة مهمة، التعاطف عن جهل وبدون علم مصيبة في حد ذاته.. هو أي حد مجرم اتقبض عليه، وطلع حد من أهله يولول، يبقى نصدقه ونشكك في الشرطة لمجرد إن الشحتفة أثرت فينا؟
لو كل مــ'جرم اتساب من غير حساب وعقاب، أول واحد ممكن يتأذى منه هو أنت كمواطن.
رجالة الداخلية في الآخر ولادنا وأهلنا وناسنا.. أخوك وقريبك وجارك وابن بلدك، وبيؤدوا دور كبير جدًا في حفظ الأمن وحمايتنا، وممكن حضرتك تاخد لفة كده في صفحة الوزارة وشوف كم المجهود الجبار إللي عاملينه في حفظ الأمن، وده للعلم جزء صغير جدا من المجهود.
وأتمنى بلاش نحكم ونشكك عن جهل بالقصة، أو من خلال منشور أو فيديو مؤثر. لازم نعرف الحقيقة كاملة، ونسيب جهات التحقيق تقوم بدورها، لأن إصدار الأحكام من السوشيال ميديا عمره ما كان بديلًا عن التحقيق والقانون.
وفي النهاية، كل التحية والتقدير لكل ضابط وفرد شرطة بيؤدي واجبه، وربنا يحفظهم ويحفظ مصر وأهلها، ويديم علينا نعمة الأمن والاستقرار.
#كل_الدعم_لوزارة_الداخلية 🇪🇬🦅
#شكرًا_للداخلية..
الصور المرفقة ..للمدعو "يوسف السوري" وهو يستعرض الس~لاح الأبيض "المطوه"...من حسابه الشخصي على فيس بوك..وليس ذكاء اصطناعي...
